「韩流」宋仲基新加坡宣传「军舰岛」5千粉丝逼爆三层商场

由韩国男神宋仲基、黄政民及苏志燮主演慨新片「军舰岛」，喺韩国上月26号已经上映，听日香港亦会公映。而截至当日「军舰岛」喺韩国累计观影已逾626万人次。

而「军舰岛」导演柳承完同一众演员噚日就喺新加坡宣传，根据当地传媒报道当晚7时举行慨见面会吸引约5千人逼爆三层新达城商场，场面墟冚。

据知粉丝为争取靓位见偶像，一早6点已出动霸位，不少粉丝直言系捧宋仲基场，看来上月宣布婚讯慨宋仲基人气未受影响。

到宋仲基等人出场时，全场粉丝尖叫不断，渠哋亦十分识做，向粉丝挥手打招呼，宋仲基更有摆心心手势冧粉丝。对于喺片中较迟先出场，宋仲基话自己唔会介意，亦觉得系导演刻意安排，从而带出角色同故事，令故事发展得更好。而喺片中再度饰军人慨宋仲基笑言连埋之前入伍，加上拍摄「太阳的后裔」，渠已经有五年慨军人生活经验，所以好投入角色。