最近，张柏芝非常跃于个人社交网，除会介绍自家新品外，仲会同各位粉丝分享同两位囝囝慨生活日常。近日，柏芝甫出一张大仔慨近照，结果唔少网民都大赞大仔尽得父母真传！
张柏芝大仔尽得父母真传
话说，张柏芝自宣布诞下第三胎后，再次活跃于个人社交网，近日就分享大仔低头玩手机近照，留言：「刚刚一落楼下见到有个男仔，我心里在想边个靓仔咁早去我屋企，原来系自己个仔，真系不敢相信他们的长大速度转变快过香港的天气报告，每一天高几吋，现在已经高过我了怎么办？」
虽然深怕大仔长大后高过自己，不过最怕应该都系惊囝囝长大得太快。而依家11岁慨Lucas喺相中远睇已经几有型，正面照中更被唔少网民大赞靓仔，相信Lucas大个仔后更会系一位型男！
小朋友大得快，上年Lucas都未高过妈咪。
传张柏芝第三胎「小王子」已改名
张柏芝上年12月承认诞下第三胎「小王子」，更被爆指BB出世纸已经喺12月初取得，B仔同时已经改名！据知喺出世纸上母亲一栏系填张柏芝，反而父亲一栏系空白！
换句话，「小王子」将会跟妈咪张柏芝姓？另一方面，大家其中最关注B仔叫咩名，据了解「小王子」全名张礼承，英文名叫Marcus。
张柏芝官网亲证诞第三胎
张柏芝透过工作室发声明：「亲爱的影迷朋友、媒体朋友、合作伙伴，工作室非常开心地代表张柏芝分享一则喜讯：张柏芝女士已于11月诞下第三子，母子均安。孩子与家人是柏芝一直以来守护的最重要的人，在接下来的日子裹，柏芝会全力为三个孩子创造更加优越的成长条件，同时也会努力带来更好的作品。『小王子』满月了，感谢大家的关心与祝福！」
今早张柏芝透过官方微博承认再生B一事，原来BB已经满月喇！
张柏芝仲大晒靓相！
柏芝除咗喺微博宣布第三胎已经满月之外，更向大陆传媒派发喜饼，曲奇盒上印有卡通小熊猫图案，随盒更附上一张卡通感谢卡，上面清晰可以见到柏芝抱住新生婴儿，左右两旁就有两位西装骨骨慨哥哥Lucas同埋Quintus。
呢个「一家四口」图，系冇「爸爸」个样。
柏芝着鱼网丝袜翘脚劲霸气
之前柏芝将社交网全部照片删除，但今日渠慨社交网突然复活，仲连环上载多张相片，做埋生招牌为自家品牌宣传！相中可见，渠四肢纤细，仲着上鱼网丝袜以红黑打扮喺车及门口大摆甫士，V面重现，状态大勇。而细佬张豪龙亦有出镜，两姊弟住喺凳上，柏芝仲豪迈翘脚，劲有霸气！不过未知系新相抑或旧相呢？
「神隐」半年张柏芝出山
在本月初，饮食作家Bonnie在社交网站上传一张与柏芝的合照，「神隐」半年的她终于曝光！照片中张柏芝戴着黑超，身穿红色樽领衫，双手举V，面颊明显较以前饱满，Bonnie留言表示：「今日小朋友游乐日又撞到好姊妹Ceci，Quintus愈嚟愈高大靓仔！」据知柏芝当日只系同细仔Quintus到深湾游艇会，而大仔Lucas就留在家玩电脑。
「神隐」半年的张柏芝终于曝光，饮食作家Bonnie日前在社交网站上传一张与柏芝的合照！
网友：长黑髪唔补染？
不少网民留言猜张柏芝到底系咪刚刚生完BB，有人话生完冇理由唔使坐月咁快出外，但又有人话柏芝明显肥咗，而且怀孕慨妇女为了BB健康多数都暂时唔染发，而睇睇贪靓慨柏芝，居然长了一大截黑髪而唔补染。
至于Bonnie就表示相片系得到柏芝同意才上载，又话手上慨紫色手带系昨日深湾游艇会活动才派发，证明系相片系昨日才拍，而不是旧照当新照，仲话冇其他嘢要补充，传媒有问题就问番当事人！
传bb爸爸系新加坡富豪
有报道指38岁张柏芝在上月25日于养和医院生咗第三胎，而且都系男婴，BB的父亲是一名年过六十岁的新加坡富豪，是当地连锁饮食集团股东，又拥有一间上市企业。柏芝妈妈数个月前曾在节目亮相时，亲口爆料指女儿的新男友是「一位65岁的新加坡富豪」，虽然两人年龄相差廿十多岁，但却很会照顾人。
神隐数个月
据报道又指出，张柏芝为生B保密工夫做足，唔止将Ig、微博慨个人帐户全部post删掉，近数月突然未有在公开场合露面，而早于7、8个月前，仍经常见到柏芝在大埔康乐园会所出现，但最近已不见其影踪，反而有唔少人在养和见过渠。而最后一次现身是今年5月，她和吴建豪宣传主演慨大陆电视剧《如果爱》，当时柏芝着住松身裙出席活动，被指刻意遮掩孕味！
自爆2018年要生BB
虽然已经有两名可爱的儿子，也未有透露有新对象，但今年初，柏芝突然在Instagram扬言要生B：「2018之前必定要生出个BB来，This is my goal！」
今年7月放暑假，柏芝曾上载与两个仔仔跟妈咪三代同堂茶叙照片，当时佢仲话要帮仔仔生多个妹妹！
而今年3月柏芝罕有地在Instagram贴出一张有男伴出现的游泳照，未知相中男子是否新男友！
不过，消息未得到柏芝的证实，而有传媒向其经理人Emily求证，她未有正面否认，只是说：「没有回应！」
而柏芝前夫谢霆锋被传媒追问是否知道前妻柏芝诞B及跟新加坡富商交往一事，他表示：「我唔知呀。」而对于有传柏芝再生BB，身为前老爷慨谢贤向柏芝送上祝福：「我唔知，唔讲喇！同我祝福渠！」
今年4月，本刊在又一城影到柏芝同两个囝囝行街，当时柏芝穿上松身运动裤及波鞋，未见孕味！
张柏芝同两个宝贝仔行街，冧爆又拖又锡又揽！
10岁Lucas同7岁Quintus高咗又靓仔咗，不过唯一无变慨系一样咁锡妈妈，大个仔一样乖乖畀张柏芝揽住行。
去到边都出名亲民有求必应，柏芝被粉丝要求合照时，仲好识做面贴面举晒V。
好妈妈张柏芝陪囝囝去嘉年华
张柏芝计划今年开戏做导演，近期已忙于筹备，早前公开招募新演员，最近又忙于搞自家服装品牌生意，不过点忙都好，柏芝一定留大量时间畀两个儿子。去年12月26日Boxing Day，柏芝带两个仔去中环「欧陆嘉年华」玩。
细仔Quintus特别钟意玩掟公仔，Lucas就陪细佬玩埋一份，张柏芝细心教两子抛呼拉圈落公仔度，可惜两兄弟一直掟唔中。
去中环嘉年华
当日傍晚约六时许， 柏芝带住Lucas及Quintus， 约埋发型师好友Marvin，到达中环「嘉年华」会场，甫入场就拖住两个仔，急急脚迫排队玩摊位游戏，7岁细仔Quintus见到啲毛毛公仔已经非常雀跃，捉住柏芝玩抛呼拉圈游戏，只见柏芝拖住Quintus，细心教他抛出呼拉圈落啲公仔度，不过两兄弟一直掟唔中，为帮儿子赢公仔，柏芝就落力掟，好彩最终赢得两只战利品。
柏芝将全副精神照顾两个儿子，圣诞节更为儿子安排特别节目，Boxing Day当晚就带两个仔去中环「欧陆嘉年华」玩！
玩完摊位游戏，她再陪儿子玩机动游戏「飞天千秋」，不过细仔Quintus惊惊唔敢玩，于是柏芝顶上陪Lucas两个人玩，而发型师Marvin就带Quintus去买棉花糖，边食边等妈咪同哥哥，Quintus更加食到啜埋手指，十分可爱！
张柏芝同Lucas去玩机动游戏，Quintus则同柏芝的发型师好友Marvin行去买棉花糖食！
陪Lucas玩「飞天千秋」
啱啱开完工的柏芝似乎冇乜精神，但仍顶硬上陪儿子玩机动游戏「飞天千秋」，开始时仲见柏芝笑晒口！
Lucas全程玩到笑唔停，反而柏芝愈玩愈惊，成个样硬晒軚，仲要用手揿住个头，直至机动游戏停低才有番笑容。三母子玩了个多小时，才尽兴离开。
Lucas帮手撩牙
去完嘉年华当晚，柏芝就在lG晒相，除表示去了嘉年华玩，又放了一张吃完饭攰到瞓着觉慨相｜大赞Lucas十分乖巧，知道妈咪攰到瞓着，一直陪在她身边，仲帮渠撩牙，柏芝更感动表示「教我如何不爱你」。
假期期间，柏芝要返内地工作，就带埋Quintus陪开工，Lucas要出席同学仔party才未有同行。放完圣诞新年假，稍后又要为两个仔学校考试忙碌，柏芝真系廿四孝妈咪。